Olav Neste
Olav Neste (fødd 7. januar 1888 på Neste i Vestre Slidre, død 8. september 1968) var fotograf på Fagernes.
Gift med Anna Kampen (1902–1979), to barn. Arbeidde først ved sporvegen i Kristiania, var så i lære hos Narve Skarpmoen 2–3 år, men hadde allereie teke sine første bilete rundt 1905. I 1915/16 opna han fotografverksemd på Fagernes; han heldt først til utandørs, men bygde snart atelier der han heldt til fram til 1930. Då bygde han og svogeren eit stort forretningsbygg i hop, og frå 1930 dreiv han firmaet under namnet Fagernes Fotoatelier. O. Neste. I 1950 overlet han forretninga til sonen Nils.
Han var ein av dei dyktigaste hardingfelespelarane i Valdres, og han var òg sterkt engasjert i kristeleg organisasjonsarbeid, mellom anna misjonen. Han var medlem av skolestyret og varamedlem i kommunestyret.
Kjelder
- Første versjon av artikkelen er henta fra Preus museums register over norske fotografer.
- Olav Neste på Digitalt museum.
- Olav Neste på KulturNav, som igjen bygger på:
- Bonge, Susanne: Eldre norske fotografer : fotografer og amatørfotografer i Norge frem til 1920. Utg. Universitetsbiblioteket i Bergen. 1980. Digital versjon på Nettbiblioteket
- Erlandsen, Roger: Norske fotosamlinger. Utg. Ad Notam. Oslo. 1989. Digital versjon på Nettbiblioteket
- Fotografregister : oversyn over ein del av fotografene med tilknytning til Valdres (upublisert manuskript i Preus museum, 2011)
- «70 år» Oppland Arbeiderblad 6. januar 1958
- Olav Neste i Historisk befolkningsregister
|
Olav Neste er basert på data fra Preus Museums registre over norske fotografer og fotografiske samlinger, som var tilgjengelig i en nå nedlagt database på Nasjonalbibliotekets nettsider. Artikkelen er lagt ut under lisensen cc-by-sa. Lokalhistoriewikis brukere kan fritt redigere og utvide artikkelen. Flere artikler finnes i denne alfabetiske oversikten. |
|
