Osmund Kaldheim

Osmud Kaldheim på Sentralbanksjefens årstale 2018.

Foto: Tore Sætre

Osmund Kaldheim (fødd 20. februar 1964 i Haugesund) er ein tenestemann, næringslivsmann og tidlegare politikar for Høgre. Han har mellom anna vore ordførar i Fet kommune 1995–1999, statssekretær, direktør i Husbanken 2017-2025 og er frå 2025 kommunedirektør i Hamar kommune.

Bakgrunn

Familien på farsida er frå garden Kaldheim (matr. nr. 47) i Etne. Foreldra Paul Leif (f. 1937) og Liv Karin (f. Miljeteig i Sauda 1940) arbeidde høvesvis som bibliotekleiar og sjukepleiar. Kaldheim flytta til Fetsund i 1989.

Politisk arbeid, verv og stillingar

Kaldheim var involvert i partiorganisasjonen i Høgre frå 1980-tallet, og har hatt fleire verv lokalt og nasjonalt. Han var ungdomssekretær i Unge Høgre frå 1984, politisk sekretær i Akershus Høgre, hadde forskjellige stillingar i Høgre si stortingsgruppe 1985-1989 og jobba som sekretær for sosialminister Wenche Frogn Sellæg 1989–1990 . Frå 1990 var han informasjonssekretær i Geelmuyden Kiese.

I 1991 blei Osmund Kaldheim valt inn i kommunestyret i Fet. Ved kommunevalet i 1995 vart det borgarleg fleirtal i kommunestyret i Fet, og Kaldheim tok over ordførarvervet i kommunen som første Høgre-representant på 81 år. Han styrte ut ifrå eit valteknisk samarbeid med Framstegspartiet, Venstre, Senterpartiet og Kristeleg Folkeparti. Kaldheim tok ikkje gjenval ved neste val, og partifelle Hallstein Flesland tok over ordførarvervet i september 1999.

Kilder og litteratur

• «Borgerlig valgskred etter 80 års AP-styre». I Romerikes Blad 1995.09.12. 19950912. Digital versjon på Nettbiblioteket.
• Dyrvik, Ståle. Etne-soga. 3: Folket Gjerde sokn. Utg. Etne bygdeboknemnd. Etne. 1995. s. 139. Digital versjon på Nettbiblioteket.
• Dyrvik, Ståle. Etne-soga. 4: Folket Stødle sokn. Utg. Etne bygdeboknemnd. Etne. 1995. s. 337, 393–397, 405. Digital versjon på Nettbiblioteket.
• Eriksen. Ø. «Kaldheim går av for å pleie familien». I Indre Akershus Blad 1998.12.11. 19981211. Digital versjon på Nettbiblioteket.
• Osmund Kaldheim i Store norske leksikon på snl.no. Hentet 22. juli 2026 fra https://snl.no/Osmund_Kaldheim
• Samuelsen, S. «Historisk skifte i Fet». I Indre Akershus Blad 1995.10.25. 19951025. Digital versjon på Nettbiblioteket.
• Samuelsen, S. «Kaldheim overtar». I Indre Akershus Blad 1995.10.04. 19951004. Digital versjon på Nettbiblioteket.

Forgjenger:  Vidar Amundsen (1939–2026)

Ordfører i Fet kommune (1995–1999)

Etterfølger:  Hallstein Flesland

Denne sida er ei spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!