Skogly (Bykle gnr 4/33)
| Skogly | |
|---|---|
| Rydda: | 1960 |
| Utskilt: | 1976 |
| Stad: | Hoslemo |
| Sokn: | Bykle |
| Fylke: | Agder |
| Kommune: | Bykle |
| Gnr.: | 4 |
| Bnr: | 33 |
| Type: | Bustadseigedom |
| Adresse: | Løyningsvegen 17 |
Skogly er ein heim som ligg oppunder skogbrynet ovanfor tunet i Åsheim i Bykle kommune. Tomta, som gjekk ut ifrå bnr 7 (Øvre Åsheim), vart matrikulert i 1976, men etter det me får opplyst vart huset her bygt i 1959-60, slik at det sto ferdig då dei som budde her gifte seg.
Kona i denne huslyden er dotter åt Sigbjørn Eivindsson Åsheim og kona Ingebjørg Olavsdotter, fødd Vatnedalen. Mannen hennes kom frå Nordstog Stavenes og var son åt Knut Knutsson på det bruket og kona Hæge Knutsdotter, fødd Trydal.
- Knut Knutsson Stavenes (y.) f 1914, d 1990
- g 1960 m Tone S. Åsheim, f 1920. Born:
- Helga, f 1961, d 1962
Knut arbeidde som bygningssnikkar og smed, ein god del av tida på anlegg. Tone tok også på seg ymist arbeid utanfor heimen, mellom anna var ho lenge heimehjelp og ei tid reinhaldar for I/S Øvre Otra.
Huset her vart i 1995 overdrege til brordotter åt Tone, Ingebjørg O. Åsheim i Oslo, som har det til fritidsbustad. Tone bur nå (2003) i ein kommunal eldrebustad i Bykle.
|
Skogly (Bykle gnr 4/33) er basert på ein artikkel i Heimar og folk i Bykle av Aanund Olsnes, og lagt ut under lisensen cc-by-sa. Denne digitale utgåva av gards- og ættesoga for Bykle kommune er eit samarbeid mellom kommunen og Norsk lokalhistorisk institutt. Lokalhistoriewikis brukere kan fritt redigere og utvide artikkelen. Ein kan også melde frå på epost til byklesoga(krøllalfa)bykle.kommune.no. Sjå også: Forside • Føreord • Innleiiing • Litteratur og kjelder Førre bolk: Brugata 10 • Neste bolk: Hagestøyl (II) |