Lauritz Aagaard Meyer (1761–1822)
Lauritz Aagaard Meyer (fødd 16. juli 1761, død 22. juni 1822) var prest.
Han var son av prost Abraham Meyer, som var sokneprest i Bolsø. Han var dimittert frå Helsingør skole i 1781 og tok teologisk eksamen i 1783. Han var så ei tid hos prost Hans Steenbuch på Melhus, før han i 1787 vart ordinert til stillinga som sokneprest i Andenes prestegjeld. Same året vart han gift med Gjertrud Cathrine Steenbuch, dotter av Melhusprosten.
I 1791 vart han sokneprest i Vefsn prestegjeld, han hadde dette embetet til sin død i 1822. Hans etterfølgar i Vefsn vart Christian Qvale.
Gjertrud døydde natt til 23. juni 1802, dei hadde då fem barn i alderen 5 til 15 år. Han gifta seg opp att med Marie Røring, dotter av Johan Jacob Røring som var sokneprest i Hemnes prestegjeld.
Han var farfar til handelsmann Lars Aagaard Meyer, og stamfar for Meyerslekta på Mo.
Kjelder
- Erlandsen, Andreas. Biographiske Efterretninger om Geistligheden i Tromsø Stift. Utg. Chr. Tønsbergs Forl .. Christiania. 1857. Digital versjon på Nettbiblioteket.
- Lauritz Aagaard Meyer i Historisk befolkningsregister
| Artikkelen Lauritz Aagaard Meyer (1761–1822) er oppretta gjennom delprosjektet Prestefolk i Nordland
Brukarar på lokalhistorisk wiki kan fritt endre eller legge til innhald i artikkelen. Det vil ofte vere meir relevant informasjon i oppgitte kjelder enn det som først vart lagt til, og det kan t.d. finnast stoff i bygdebøker og liknande. |