Hellisøy fyrstasjon
| Hellisøy fyrstasjon | |
|---|---|
| |
Foto: Svein-Magne Tunli
| |
| Oppretta: | 1855 |
| Status: | Automatisert og avfolka 1992 |
| Funksjon: | Kystfyr |
| Eier: | Staten v/ Kystverket |
| Fylke: | Vestland |
| Kommune: | Fedje kommune |
| Vernestatus: | Freda etter lov om kulturminner |
Hellisøy fyrstasjon ligg på ei lita øy utafor Fedje. Anlegget har eit 32,2 m høgt fyrtårn i støpejern, som står på ein låg granittsokkel. Tårnet er på same måte som Eigerøy fyr i Rogaland fora med teglstein og gråstein som sikring mot bølgeslag. Fyret har 3. ordens linseapparat frå 1903 og maskinhus, bustad, naust og landing, samt tuft etter assistentbustad. Ein støypt veg fører frå landinga opp til bustaden og vidare over ei bru bort til fyret. Hellisøy har forholdsvis gode landingsforhold. Fyrstasjonen ligg mellom to område verna som naturreservat etter lov om naturvern.
Fyrstasjonen har stor aldersverdi med landets nest eldste støpejernsfyr. Fyrstasjonen har høg grad av opprinneligheit, med linseapparatet framleis i drift. Anlegget har stor miljøskapande verdi sett i samanheng med bygningsmiljø og kulturlandskap på Fedje, og den gamle handelsstaden på Kræmmerholmen.
Fedje kommune gjer omvisningar og leiger ut fyret.
Eksterne lenkjer
Kjelder
- Eli J. Ellingsve. Finn et fyr. Tapir Akademisk forlag. 2007.
- Kystverket. Landsverneplan for Maritim Infrastruktur. 2009.
- Hellisøy fyrstasjon på Riksantikvarens nettsted kulturminnesok.no