Lars Rasmusson Faaberg (1866–1957)

Lars Rasmusson Faaberg (fødd 30. april 1866, død 31. januar 1957) kom frå garden Nedre Fåberg i Jostedalen. Han var son til ordførar og gardbrukar Rasmus Larsson Faaberg og Gjertrud Larsdotter frå Kruna.

Lars R. Faaberg fekk skøyte på heimebruket hjå far sin alt 19. februar 1876, men tok ikkje over garden før i 1888. Den 25. juni dette året gifte han seg med Anna Larsdotter (1868-1956) frå Mjølver. Dei vart buande på Nedre Fåberg levetida ut.

Lars R. Faaberg var ordførar i Jostedalen i to periodar, 1905-1907 og 1911-1922. Både faren Rasmus Larsson Faaberg og bestefaren Lars Rasmusson Faaberg hadde tidlegare vore ordførarar.

Lars og Anna fekk ni born i lag:

• Rasmus Larsson Faaberg (1888-1924)
• Lars Larsson Faaberg (1890-1971)
• Anders Larsson Faaberg (1891-1976)
• Gjertrud Larsdotter Faaberg (1894-1982)
• Tøger Larsson Faaberg (1896-1968)
• Anna Larsdotter Faaberg (1899-1956)
• Nils Larsson Faaberg (fødd 1902)
• Johan Larsson Faaberg (1904-1988)
• Maria Larsdotter Faaberg (fødd 1908)

Litteratur

• Laberg, Jon. (1948). Jostedal. Ei stutt utgreiding om bygdi og folket der. Tidsskrift utgjeve av Historielaget for Sogn (nr. 13), 177-200 (digital utgåve, Jostedal historielag)
• Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 695-96. (Digital utgåve, NBdigital)

Forgjengar:  Kristen Andersson Ormbergstøl

Ordførarar i Jostedal kommune (1905–1907)

Etterfølgjar:  Ole E. Myklemyr

Forgjengar:  Ole E. Myklemyr

Ordførarar i Jostedal kommune (1911–1922)

Etterfølgjar:  Hermund Nilsson Bruheim