Lesja kompani

Arbeid pågår: Vennligst ikke rediger artikkelen mens arbeidet pågår. Se redigeringshistorikken for detaljer.

Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.

Lesja kompani kan nyttast som ei samlenemning på den avdelinga av Hæren som i hovudsak bestod av utskrivne soldatar frå Lesja prestegjeld i Gudbrandsdalen. Ein kan seie kompaniet kom til ved hærordninga av 1718 da Opplandske regiment vart delt i to og avdelingane i Gudbrandsdalen lagt inn under 1. eller Austre Opplandske regiment.

Dei militære rullane (sjå nedafor) er dei beste kjeldene til å identifisere dei avdelingane soldatar frå ymse lokalsamfunn gjorde teneste i, for sjølve kompania hadde i tiåra etter at Hæren vart etablert som regel namn etter sjefen eller eit nummer. Første gong ein finn namnet Lesja kompani (i eldre skriftform), er i sesjonsrulla for «Det Første Oplandske Nationale Infanterie Regimente (...) Det Lessøeske Capitaine von Hansteens Compagnie» for 1751.

Frå starten på 1660-åra er det teke vare på slike rullar for Opplandske regiment, og dei syner at

• i 1662 var det rulleført 42 mann frå Lesja i 5. kompani under kaptein Johan Wade
• i 1665 var det rulleført 42 mann frå Lesja i kaptein Ole Bruns kompani
• i 1670 var det rulleført 39 mann frå Lesja i kaptein Ole Bruns kompani
• i 1693 var det rulleført 41 mann frå Lesja i kaptein Brünecks kompani
• i 1696 var det rulleført 41 mann frå Lesja i kaptein Brünecks kompani

Så er det ikkje registrert ruller før i 1739, altså 21 år etter delinga av regimentet i 1718, og da er nemninga kaptein Langelands Nordre Gudbrandsdalske kompani. Det bestod av 41 legder og 82 soldatar frå Lesja og Dovre, og ni legder med 18 soldatar frå Sel anneks av Vågå prestegjeld.

Kjelder

• Bull, Arne Marensius 2002: Oppland regiment 1657-2002. Elanders Publishing AS.
• Kaptein Lars Kiærlands oversiktsplansjer over hærens organisasjon 1628-1940
• Olai Ovenstads plansjeverk over Hærens organisasjon 1628-1818
• Skanna militære ruller filtrert for Lesja på Digitalarkivet