Rasmus Larsson Faaberg

Rasmus Larsson Faaberg (fødd 25. august 1843, død 22. mars 1922) kom frå garden Nedre Fåberg i Jostedalen. Han var son til lensmann og ordførar Lars Rasmusson Faaberg og Anna Andersdotter frå Leteigen.

Rasmus L. Faaberg fekk skøyte hjå far sin på heimebruket Nedre Fåberg 31. mai 1866, og her vart han buande levetida ut med kona Gjertrud Larsdotter (1838-1913) frå Kruna.

Faren hadde vore den fyrste med gardbrukarbakgrunn som vart ordførar i Jostedalen (1840-1841), og Rasmus var sjølv ordførar 1870-1874.

Litteratur

• Laberg, Jon. (1948). Jostedal. Ei stutt utgreiding om bygdi og folket der. Tidsskrift utgjeve av Historielaget for Sogn (nr. 13), 177-200 (digital utgåve, Jostedal historielag)
• Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 694-95. (Digital utgåve, NBdigital)

Forgjengar:  Lars Tøgerson Kronen

Ordførarar i Jostedal kommune (1870–1874)

Etterfølgjar:  Andreas Emil Hansen