Cathrine Bradsberg (1775–1818)

Cathrine Bradsberg gift Qvale (fødd 20. januar 1775, død 15. juli 1818) var prestekone i Hammerfest og på Nesna.

Ho vart gift med Christian Qvale 18. august 1802, han var då sokneprest i Hammerfest prestegjeld. Under napoleonskrigane gjorde to engelske krigsskip strandhogg i Hammerfest sumaren 1809. Qvale hadde pådrivar for å få to kanonbatteri satt opp til forsvar for byen. Då dei gjekk tomme for ammunisjon kunne engelskmennene gå uhindra i land. Dei for hardt fram, Reidar Svare skriv:

Det første engelskmennene gjorde etter dei kom i land, var å ta dei to batteria og setta sine eigne folk ved kanonane. Og så ga dei seg til å plyndra byen og øva vald mot folk. Det gjekk særleg hardt utover prestefamilien. Det var vel ein hemn for at presten sette så mykje inn på å forsvara byen. Segna [Notert av Bendik Strøm] seier at det kom 8 engelske offiserar til prestegarden. Der mishandla dei prestefrua og rana med seg alt sølvtyet og andre verdfulle ting då dei for sin veg.

Kva slag mishandling ho vart utsett for går ikkje fram, men denne hendinga gjorde såpass inntrykk på prestefamilien at Qvale søkte avskjed i 1810. Seinare samme året vart han sokneprest i Nesna prestegjeld, og dei flytta dit.

Hun fødde mange born, men mange døyde som spebarn. Siste fødsel var sonen Christen i 1817, han døyde 27 dagar gammel. Av barna som vaks opp er sonen Anders Christian Qvale som vart lege, og døtrene Maria og Trine som i 1859 underteiknar bekjentgjeringa av dødsfallet til Qvale si andre hustru, Petrine Fredrikke Fredriksen.

Kilder

• Erlandsen, Andreas. Biographiske Efterretninger om Geistligheden i Tromsø Stift. Utg. Chr. Tønsbergs Forl .. Christiania. 1857. Digital versjon på Nettbiblioteket.
• Jenssen, Øyvind. Nesna bygdebok. Utg. Nesna kommune. Nesna. 1998. Digital versjon på Nettbiblioteket.
• Svare, Reidar. Skulestellet i Vefsn fram til 1900. Utg. Vefsn kommune. Mosjøen. 1970. Digital versjon på Nettbiblioteket.
• Qvale, Einar. Slekten Qvale. Oslo. 1950. Digital versjon på Nettbiblioteket.
• Cathrine Bradsberg i Historisk befolkningsregister

Artikkelen Cathrine Bradsberg (1775–1818) er oppretta gjennom delprosjektet Prestefolk i Nordland Brukarar på lokalhistorisk wiki kan fritt endre eller legge til innhald i artikkelen. Det vil ofte vere meir relevant informasjon i oppgitte kjelder enn det som først vart lagt til, og det kan t.d. finnast stoff i bygdebøker og liknande.