Edvard J. Liljedal
Edvard Jensen Liljedal (fødd 29. april 1853 i Leikanger, død 16. februar 1914 i Hornindal) var lærar og kyrkjesongar. Foreldra var gardbrukaren Jens Larsen (f. 1822) frå Sogndal og Johanne f. Liljedahl (f. 1830) frå Leikanger.
Liljedal vart tilsett som lærar i Dale sokn i Luster som 22-åring i 1875. I 1885 flytte han med huslyden til Hornindal der han tok over posten som kyrkjesongar og lærar etter stortingsmann Knut Kirkhorn som døydde om våren.
I Hornindal var det strid om tilsetjinga. Fleirtalet i krinsen ville ha ein annan lærar, og dei sette i gang Hornindalens friskole som vart driven av dei meir politisk radikale lærarane Haakon Aasvejen, Johannes Aashamar og Rasmus Steinsvik. Liljedal kom midt oppi denne striden, som vart landskjend etter at Fredrik Riis Krogh, sokneprest frå våren 1887, gjekk til åtak på skulen.
Kjelder og litteratur
- Edvart Liljedahl i folketelling 1865 for Leikanger prestegjeld fra Digitalarkivet.
- Edv. Jenssen Liljedal i folketelling 1900 for Hornindal herred fra Digitalarkivet.
- !! Liljedal i folketelling 1910 for Hornindal herred fra Digitalarkivet.
- Gravlagde i Hornindal 1885-1927.
- Lothe, Anders A. (1950). Målreisingssoga i Sogn og Fjordane. Florø: Firda lærarlag m.fl., biografi s. 244. Digital versjon på Nettbiblioteket.