Gunnar Røstad
Gunnar Marthinius Røstad (født 27. oktober 1874 i Øvrebø, død 19. mars 1947 i Oslo) var ein felemakar frå Øvrebø i Vennesla, som gjennom mange år hadde verkstad i Oslo. Han var son av Anders Gundersen Horne og Tomine Elisabeth Andreasdotter. Den 6. desember 1874 blei han døypt i Øvrebø kyrkje. Navneforma som er skriven ned i kyrkjeboka er Gunder Marthinius, men han nytta seinare forma Gunnar.
Han lærte kunsten å bygge feler av mellom anna faren og bestefaren, og han gjekk i lære hos flere dyktige spelemenn og felemakarar, mellom anna og Leif Sandsdalen [1]. Røstad blir av mange rekna som den beste felemakaren på 1900-talet.
Røstad dro heimanfra som sekstenåring, og tok arbeid i Kristiansand - på mekanisk verkstad, på hotell og på asyl. Han gjekk underoffiserskulen i Kristiansand frå 1895, og blei politikonstabel. Felearbeid måtte gjerast på fritida [2]. Til slutt hamna han i Kristiania. I folketellinga 1900 finst han på adressa Wilses gate 8 med yrket politikonstabel. Han var då ugift. I Kristiania tok han arbeid mellom anna som vaktmeister på Norsk Folkemuseum og i Hagens sportsforretning i Kirkegata - der han blei sett til å lage utstyr til Roald Amundsen og til kongefamilien [3].
Verkstad og familie i Oslo
Røstad lagde feler fra ung alder, men måtte lenge ty til andre yrker for å livnære seg. I 1907 opna han verkstad i Lille Grændsegate 4 i Kristiania, og fra 1908 var felemakeri og instrumentreparasjon hovedinntekta. Verkstaden blei flytt fleire gonger, mellom anna til Eilert Sundts gate 27, Stortingsgata, Vålerenga, Rosenkrantz' gate, Nordahl Bruns gate 22 og sist til Brugata 6.
I folketellinga 1910 finn vi han i Korsgata 26 saman med kona Hilda Marie Røstad (1877-1950), født i Stokke, og fire born, alle født i Kristiania. Under yrke står det «Violinmaker arbeide for egen regning, arbeider alene».
Instrumentmaker og kunstner
Allerede ganske tidlig på 1900-tallet var Røstad etablert som en av våre beste felemakere. På jubileumsutstillingen i 1914 fikk han sølvmedalje i kategorien instrumenter og vitenskapelige hjelpemidler, for "m. gode hardangervioliner med udm. tone"[4].
Sjølv om han likte best å arbeide aleine, var fleire andre felemakarar i lære hos han i kortare periodar, som K.Ø. Rudi, Torleiv Frøysaa, Ole G. Skogly, Erik Kleven og Kjell Flatin. Mange kjente spelemenn har hatt feler laga av Røstad. Ein kan nemne Henrik Gjellesvik, Alfred Maurstad, Lorentz Hop, Arne Bjørndal, Klaus Sande, Jon Rosenlid, Haldor Meland, Truls Ørpen, Sjur Helgeland, Eilev Smedal, Gunleik Smedal og Torkjell Haugerud.
Ved søttiårsdagen hans skrev Steinar Kyvik i Aftenposten at
Som felemakar er Gunnar Røstad vel den største Noreg har ått, og han er truleg millom dei fremste i verdi i dag. Alltid har han sett dei største kravi til arbeidet sitt, og han har ei merkeleg evna til å velja ut det beste emnet, det som gjev den venaste tonen og det rikaste biletet for augo. Hadde han berre havt tilgjenge til dei same emni som dei gamle i Cremona! Det beste modellane hans er Stradivarius 1716 og Guarnerius dei Gesu 1743. Men det venaste arbeidet har han gjort etter Skattkammerfela av Gasparo da Salo. Fela med det fagraste utskore hovudet som finst. Ole Bull åtte Skatkammerfela i si tid. Ho er no på Bergens Museum. Kopien åt Røstad er i Amerika hjå ein son hans.[5]
Leif Løchen, som i 1946-1948 var konservator ved Norsk Folkemuseum, besøkte Røstad i verkstaden i Brugata for å få hjelp med å bygge fele. Seinere dokumenterte museet verkstaden og arbeidet til Røstad, og kjøpte alt felemakarverktyg etter Gunnar Røstad etter at han døydde.
Gunnar Røstad er gravlagd på Vestre gravlund i Oslo med kona Hilda Marie.
Referanser
- ↑ Kyvik 1947, side 54
- ↑ Kyvik 1947, side 55
- ↑ Kyvik 1947, side 55.56
- ↑ Dagbladet (Oslo: 1869-) 1914.07.17. 19140717. Digital versjon på Nettbiblioteket.
- ↑ Aftenposten 1944.10.26. 19441026. Digital versjon på Nettbiblioteket.
Kjelder
- Gunnar Røstad på Wikipedia på bokmål og riksmål.
- Øvrebø, Ministerialbok nr. A 8 (1874-1883), Fødte og døpte 1874, side 10 (Gunder Marthinius Anderssons dåp, 1874, linje 94.
- Gunnar M.A. Røstad i folketelling 1900 for Kristiania kjøpstad fra Digitalarkivet.
- Gunnar Marthinius Røstad i folketelling 1910 for Kristiana kjøpstad fra Digitalarkivet.
- Gunnar Røstad i Gravferdsetaten i Oslo kommunes gravregister.
- Kyvik, Steinar 1947. Soga om fela : felemakarar og felemakarkunst. Fonna forlag.
- Midtgaard, Kjell Chr. 1997. Gunnar Røstad: Hardingfelemakeren. Midtgaard.