Jørgen Blydt Mowinckel (1858–1942)
Jørgen Blydt Mowinckel (fødd 20. april 1858 i Bergen, død 22. november 1942 i Stange) var prest.
Han var son av Olaf Møller Mowinckel og Emeretia Jacobine Tonning Blydt, faren var kjøpmann.
Han vart student i 1876, og cand. theol. i 1881. Hans fyrste prestejobb var som stiftskapellan i Tromsø stift frå 1883. I 1887 vart han sokneprest i Beiarn prestegjeld. Her var han og ordførar ein periode. Han oppretta eit legat på 12 000 kr til fordel for dei fattige i Beiarn. Han er den som har lengst tenestetid som sokneprest i Beiarn.
I 1899 vart han residerande kapellan og skuleinspektør i Ålesund, her vart han til 1913. Mowinckel var soleis prest i Ålesund under brannen i Ålesund i 1904, og han og familien måtte som dei fleste andre evakuere byen. Etter brannen var Mowinckel leiar for komiteen som skulle forvalta innsamla midler.
Frå 1913 var han sokneprest i Stange prestegjeld, frå 1917 også prost i Hedmark prosti.
Han vart gift med Petra Johanne Meitzner i 1883, dei fekk 4 born, mellom dei teolog og professor Sigmund Mowinckel og kunsthistorikaren Rolf Mowinckel.
Mowinckel var innehavar av den preussiske Røde Ørns orden, 4. klasse.
Kjelder
- Norges kirke og presteskap ved 900-årsjubileet. Utg. Hanche. Oslo. 1930. Digital versjon på Nettbiblioteket.
- Sollied, Thora. Slekten Mowinckel. Bergen. 1940. Digital versjon på Nettbiblioteket.
- Vegusdal, Erling. Beiarn soknekalls historie. Utg. Lokalhistorisk forlag. Espa. 1992. Digital versjon på Nettbiblioteket.
- Jørgen Blydt Mowinckel i Historisk befolkningsregister
| Artikkelen Jørgen Blydt Mowinckel (1858–1942) er oppretta gjennom delprosjektet Prestefolk i Nordland
Brukarar på lokalhistorisk wiki kan fritt endre eller legge til innhald i artikkelen. Det vil ofte vere meir relevant informasjon i oppgitte kjelder enn det som først vart lagt til, og det kan t.d. finnast stoff i bygdebøker og liknande. |