Paul Sæbø (1882–1981)

Paul Eriksen Sæbø (fødd 22. august 1882 i Eid i Møre og Romsdal, død 29. oktober 1981 i Trondheim) var prest.

Paul Sæbø. Faksimilie frå Norges kirke og presteskap

Han var son av Anne Paulsdotter (f. 1852) og Erik Eriksen Sæbø (f. 1850), faren var gardbrukar. Han var gift fyrste gong i 1912 med Bertha Johanne Hunnæs. Dei hadde fem born, ho døydde i 1955. Han vart andre gong gift med Randi Friis Lund (f. 1903).

I 1900 var han elev ved middelskulen i Volda. Han tok eksamen artium i 1904, i 1905 krigsskulen. I 1910 vart han cand. theol., han tok eksamen i samisk i 1912.

Sæbø vart stiftskapellan i Tromsø stift i 1910, sokneprest i Loppa i 1911 og sokneprest i Skjerstad prestegjeld 1915. I 1921 vart han residerande kapellan ved Lademoen i Trondheim, frå 1933 til 1952 var han sokneprest same stad. Han var samstundes prest ved Reitgjerdet sjukehus i 16 år og ved Carl Johans Arbeidsstiftelse i 10 år.

Kjelder

• Norges kirke og presteskap ved 900-årsjubileet. Utg. Hanche. Oslo. 1930. Digital versjon på Nettbiblioteket.
• Prester i den Norske kirke og andre teologiske kandidater. Utg. Land og kirke. Oslo. 1974. Digital versjon på Nettbiblioteket.
• Gudbrandson, Trygve. Skjerstad bygdebok. Utg. Bodø kommune, Skjerstad bygdeboknemnd. 2020. Digital versjon på Nettbiblioteket.
• Paul Sæbø i Historisk befolkningsregister

Artikkelen Paul Sæbø (1882–1981) er oppretta gjennom delprosjektet Prestefolk i Nordland Brukarar på lokalhistorisk wiki kan fritt endre eller legge til innhald i artikkelen. Det vil ofte vere meir relevant informasjon i oppgitte kjelder enn det som først vart lagt til, og det kan t.d. finnast stoff i bygdebøker og liknande.