Stadnamn på «finn-» i Romsdal, på Nordmøre og i Sør-Fosen

Det finst fleire stadnamn på «finn-» i Romsdal, på Nordmøre og i Sør-Fosen. Finn-namna har i alle fall fire etablerte hovudetymologiar: (1) Dei kan vise til ei landskapsform; (2) dei kan vise til ymse spesifikke typar vegetasjon; (3) dei kan vise til dei norrøne mannsnamna Finnr og Finni; og (4) dei kan vise til folkenamnet finn. Olav Rygh sett generelt slike namn i samband med dei lite bruka norrøne mannsnamna Finnr og Finni, men i seinare tid har det vorte vanligare å sjå ein del av desse namna i samband med samisk nærvere. Det siste er særlig tydelig i namn som «Finnhøtthaugen», der «finnhøtt-» viser til kåter eller gammar. Sørvest for Fosenhalvøya er det konvensjonelt sett berre Trollheimen som blir meir eller mindre assosiert med samisk nærvere, og i tillegg har relativt nylige arkeologiske funn ved Aursjøen vist tidligare samisk busetting i fjella mellom Sunndal og Lesja. Interessant nok har Kartverket berre to Finn-namn i Trollheim-området: Finnhammaren (Surnadal kommune) og Finnlandet (Sunndal kommune). Derimot finst det heile 12 slike namn mellom Rindalen, Agdenes og Aure kommunar. Utom Frøya finst det seks finn-namn — fem av dei relatert til Finnværet og i tillegg eit skjer med namnet Finnkampen. Tingvoll har eit finn-namn ytst på halvøya og tilgrensande til Talgsjøen i ly av Langøya — Finnvika. Eide har finn-namn både på Lyngstad (Finnbukta, Finnbekken) og sørvest om Vasskord (Finnsetra, Finnseterbekken, Finnseterdalen).

Satellittbilde av storparten av Nordmøre og Sør-Fosen med «finn»-namn markert.

I vurderinga av om finn-namna kan vera indikasjonar på tidligare samisk busetting, kan vi med ein gong sjå bort frå namna med plantenamnet finnskjegg-. Namn som finnøy-, finnbukt-, finnbekk- finnvik- og liknande er òg usikre og kan ikkje tolkast i noka retning utan utfyllande opplysningar kring kvar stad. Namn som derimot gjev ein sterkare indikasjon inkluderer finnhøtt-, finnbu(-), finnset(-) og finnseter(-).

Oversyn

Romsdal

Sandøy kommune

• Finnøya.

Nesset kommune

• Finnset (Nesset) (med Finnsetstien, Finnsetkolvan og Finnsetsetra) er den øvste matrikkelgarden i Eikesdalen, ei knapp mil nordvest for Aursjøen.
• Finnset (Eidsøra) ligg i lia ovom Sunndalsfjorden mellom Eidsøra og Mesalstranda. Tunet ligg kring 130 moh.

Nordmøre

Eide kommune

• Finnbukta og Finnbekken på Lyngstad
• Finnsetra, Finnseterelva og Finnseterdalen sørvest om Vasskord. (Jfr. òg Herkedalen.)

Gjemnes kommune

• Finnskjeggvollen søraust om Silsetvatnet.

Tingvoll kommune

• Finnvika innom Langøya ytst i Straumsnes.
• Finnskjeggvollan, sørom Kjerkjeberget.

Sunndal kommune

• Finnlandet på Teskja (Torske) ved Løykja.

Surnadal kommune

• Finnhammaren søraust for Snota.
• Finnvikan med Finnviktrøa og Finnvikmyra rett innom Hunneset i Stangvik.

Rindal kommune

• Finnbekken i Austre Fossdalen nærme inngangen til Ljøsådalen mot Vasslivatnet i Hemne kommune. Fjellet Kofta ligg kring 4 km mot nordaust. Fjellnamnet Ruten bør sjekkast.
• Finnhøtthaugen øvst i Kårøydalen som kryssar kommune- og fylkesgrensa og går nedover mot Vinjeøra i Hemne kommune.
• Finnråa, Finnråhauet og Finnråvatnet i fjella nordvest for Bolmen.

Aure kommune

• Finnfløa på nordsida av Lesundøya
• Finnset, Finnsetbugen og Finnsetstien på nordvestsida av Skardsøya. I tillegg har vi Finnsetsetra, som ikkje er registrert på Norgeskart.
• Finnstuheia ved nordvestenden av Grisvågøya.
• Finnberget ved Svartvatnet ovom Årvåg.

Sør-Fosen

Orkdal kommune, grensande til Snillfjord

• Finnbuenget i austhellinga til Kokksteinen på grensa til Snillfjord kommune.

Snillfjord kommune

• Finnvika ved Åstfjorden.

Agdenes kommune

• Finngrefta ved Singstad.

Frøya kommune

• Finnkampen, eit skjer nordom Mausund.
• Finnværet, Finnværøya, Finnværskallen, Finnværleia og Finnværhavet lengst nord i Froan.