Skard (slekt)

Skulemannen Matias Skard.

Foto: Ukjend, henta frå Forfang (1902): Klæbu seminar.

Skard er ei slekt med namn etter garden Skard i Øyer kommune. Denne garden kom i slekta sitt eige i 1795, men Torstein Johannesson Lånke (omkr. 1687–1748) på Lånke i Øyer blir rekna som stamfar for slekta.

Mange medlemer av slekta valde forma Skar. Gardsnamnet er òg ofte skrive på den måten, men einaste godkjende form er Skard.

Kjende medlemer av slekta

• Torstein Johannesson Lånke (omkr. 1687–1748), gardbrukar i Øyer. Gift med Sigrid Halvorsdotter Gillebo.
  • Johannes Torsteinsson Vedum (1733–1781), gardbrukar i Øyer. Gift med Marit Jensdotter Vedum.
    • Torstein Johannesson Skar (f. 1762), gardbrukar i Øyer. Gift med Kari Olsdotter Bryn.
      • Ole Torsteinsson Skar (1802–1886), gardbrukar i Øyer. Gift med Mari Johannesdotter Lånke.
        • Torstein Olsen Skar (1832–1921), gardbrukar i Øyer. Gift med Gunda Jevne.
          • Ola Torsteinsen Skar (1868–1937), gardbrukar i Øyer. Gift med Agnete Simensdatter Skjønsberg.
            • Ragnhild Skard (1903–2000). Gift med Guttorm Gaalaas (1901–1988).
            • Torstein Olsen Skard (1904–2002), gardbrukar i Øyer. Gift med Marta Gaalaas (1906–1984).
              • Anne Mari Skard (f. 1939). Gardbrukar i Øyer. Gift 1) med Kjell Roen (1935–1965), 2) med Arnor Hauge (f. 1946).
              • Kari Skard (1940–2017).
              • Toril Skard (f. 1943).
            • Gudbjørg Skard (1908–1982). Gift med Ola Moe (1911–2007).
            • Simen Skard, fabrikkeigar. Gift med Myrtle Snartum.
              • Jon Olav Skard (f. 1948).
              • Anne Berit Skard.
            • Sigrid Skard (f. 1913), sjukepleiar.
          • Johannes Torsteinsen Skar (1870–1950), farmar i Nord-Dakota. Gift med Anne Mathiasdatter Kaldor.
          • Margit Skar (f. 1873). Gift med gardbrukar Andreas Høvren.
          • Gudrid Skar (1880–1943). Gift med meieristyrar Peder Bjerke.
          • Torvald Skar (f. 1882), farmar i Nord-Dakota.
        • Johannes Skar (1837–1914), folkeminnesamlar.
        • Kristian Olsen Skar (1840–1915), amtsveterinær. Gift med Emma Birgitte Einarson.
          • Olav Skar (f. 1880), veterinær. Gift med Helma Charlotte Hølk.
            • Borghild Emma Skar (f. 1910), sjukepleiar. Gift med Bjørn Bjørgulvson Breive.
            • Gudrun Skar (f. 1911), husmor- og hotellfagutdanna.
            • Kristian Johannes Skar (f. 1916), sivilingeniør. Gift med grevinne Esther Elisabeth Cantate.
              • Torstein Georg Henrik Skard (f. 1943).
              • Halldor Skard (f. 1946).
              • Ragnhild Skard (f. 1948).
              • Olav Skard (f. 1950).
          • Sigrun Skar (f. 1881), tannlege i Mandal.
          • Håkon Skar (f. 1883), skipskaptein og hamnefut i Mandal.
          • Mardis Skar (f. 1886), lærar i Mandal.
        • Ole Olsen Skar (1843–1899), fargar på Lillehammer. Gift med Karoline Korsødegaarden.
          • Anders Skar (f. 1881), fargar på Lillehammer. Gift med Karen Haug.
            • Kari Skar (1922–2013). Gift med kjøpmann Harald Nesje.
            • Aagot Skar (f. 1884).
            • Marie Skar (f. 1887). Gift med Anders Harboe Ree.
        • Matias Olsen Skard (1846–1927), skuledirektør. Gift 1) med Marie Bøe, 2) med Nilsine Kristiane Myhre og 3) med Gyda Christensen.
          • Målfrid Skard (1879–1963), lærar. Gift med Martin Birkeland (1884–1954), folkehøgskolestyrar.
          • Olav Matiasson Skard (1881–1965), professor. Gift med Wally Bjerregaard (1879–1966).
            • Kåre Skard (1910–1994), fruktdyrkar i Hole. Gift med Marie Louise Fogstad (1915–2005).
              • Olav Skard (f. 1938).
              • Per Fogstad Skard (f. 1944).
              • Ida Margrete Skard (f. 1949).
            • Inger Skard (1911–2009), lærar. Gift med Hans Jørgen Gram Dokka (1913–1999), dosent dr. philos.
            • Øyvind Skard (f. 1912), instituttstyrar i Oslo. Gift med Margaret Morgenstierne Garland Jayne.
              • Mona Frederikke Skard (f. 1939).
              • Lajla Emily Skard (f. 1942).
              • John Arthur Skard (f. 1944).
            • Gunnvor Skard (f. 1914), husstellærar og sjukepleiar. Gift med Lars Trygve Briseid.
            • Torstein Skard (1917–1988), gartnar i Hole.
          • Torfinn Skard (1891–1970), landbrukslærar. Gift med Aagot Sofie Lien.
            • Signe Skard (f. 1925), barnehagelærar i Skien.
            • Ingrid Skard (f. 1927). Gift med Berndt-Erik Jeppsson.
          • Bjarne Skard (1896–1961), biskop av Tunsberg. Gift med Marie Ekberg.
            • Kari Skard (f. 1932).
            • Unni Skard (f. 1937).
          • Eiliv Skard (1898–1978), professor i antikk åndshistorie. Gift med Sigrid Nordang (1903–1988), lærar.
          • Sigmund Skard (1903–1995), professor i litteraturhistorie. Gift med Åse Grude Koht, dosent i psykologi (1905–1985).
            • Målfrid Skard (1936–2013), psykolog, barneombod. Tvilling med Torild, sjå under.
            • Torild Skard (f. 1936), psykolog og politikar. Tvilling med Målfrid, sjå over.
            • Åsmund Skard (f. 1939), arkitekt og kunsthandverkar. Tvilling med Halvdan, sjå under.
            • Halvdan Skard (f. 1939), leiar i KS, politikar, cand.philol. Tvilling med Åsmund, sjå over.
            • Anne Skard (f. 1945), psykolog.
          • Vemund Skard (1909–1992), dosent i nordisk språkvitskap. Gift med Else-Marie Wennevold Koren (1912–1989), lærar. Sjå slekta Koren.
            • Jon August Koren Skard (1942–2007).
            • Ragnhild Koren Skard (f. 1946), logoped, cand.paed.spec.
          • Gunnhild Skard (1912–1992), lærar i Bærum.
        • Kari Olsdt. Skard (1851–1924), gift med Christopher Bruun.

Kjelder og litteratur

• Finne-Grønn S.H. og Harald Gram (red.): Norsk slektskalender. B.2. Utg. Norsk slektshistorisk forening, Oslo. 1951. Digital versjon på Nettbiblioteket.
• Historisk befolkningsregister, sjå referansar.