Otra
Otra er Sørlandets største elv. Ho renn frå Setesdalsheiene i Bykle gjennom Setesdal og Vennesla til Kristiansand, der ho renn ut i Østre havn. Med ei lengde på 245 km er Otra den åttande lengste elva i Noreg.
Elva er lakseførande opp til Vigeland i Vennesla. Ein finn óg bleke, som er ein reliktlaks, i Byglandsfjorden som er ein del av Otravassdaget.
Eit av Den norske kyrkje sine prosti, Otredal prosti, har fått namn etter elva og dalen ho renn gjennom. Prostiet dekkjer Setesdal og Vennesla. Otrudal var tidlegare namnet på dalen sør for Bykle og Valle, men etter kvart byrja man å kalle heile dalen ned til Evje og Hornnes og Iveland for Setesdal. Dette vart óg namnet på futedømet som omfatta dei fire nemnde kommunena og Bygland, og Otrudal eller Otredal vart ikkje lenger brukt anna enn i kyrkjeleg samanhang.
Nokre innsjøar i vassdraget
Kraftverk
Ho er óg ein av dei sterkast regulerte, med samla 22 små og store kraftverk. Dei største:
- Holen kraftverk
- Brokke kraftverk
- Bjørgum kraftverk
- Hekni kraftverk
- Hovatn kraftverk
- Longerak kraftverk
- Iveland kraftverk
- Nomeland kraftverk
- Kringsjå kraftverk (nedlagt 1957)
- Steinsfoss kraftverk (erstattet Kringsjå)
- Hunsfoss kraftverk
- Vigelandsfoss kraftverk
I tillegg til kraftverka er det etablert pumpestasjonar for overføring av vatn mellom reguleringsmagasin:
Som ein følje av utbygginga av Steinsfoss kraftverk vart den over fire kilometer lange Steinsfoss tømmerrenne bygga i åra 1954 til 1957 frå Beiehøalen i Røyknesfjorden ned til Venneslafjorden, eit fall på 55 meter. Renna er idag ein turveg.