Saltfiskball

Ball servert med potet, kålrabi, gulrøter, flatbrød og vatn. Her ser vi blandaball, men utsjånaden og tilhøret er i hovudsak den same som ved saltfiskball.

Foto: Olve Utne

Saltfiskball (utt. ["sɑʎ:hƫfɪskˌbɑʎ:] el. ["sɑʎ:hƫfeskˌbɑʎ:]) er ein fiske- og potetrett frå Romsdal, Ytre Nordmøre og Fosen. Hovudingrediensane i blandaballen er saltfisk (gjerne hyse eller lyr), potet og grynmjøl og/eller kveitemjøl. Saltfiskball er spesielt populær mat på Smøla på Nordmøre.

Variantar

I mange familiar er det vanleg å plassere feite av nitjefeitt (bitar av feitt frå mageområdet på sau) i sentrum av blandaballen. Det er vanleg at nokre ballar blir laga utan feite for dei som føretrekkjer det. Om ein lagar ball både med og utan feite i lag, blir gjerne ballane utan feite laga avlange og kalla langball. Ein variant utan kjøtt er elles å erstatte nitjefeittet med småe terningar med smør. Ein del brukar òg fleskefeitt av gris i staden.

Kjelder

• familietradisjon (Olve Utne)

Sjå òg

• blandaball (som saltfiskball, men laga med ferskfisk)
• potetball (inneheld ikkje fisk)
• sildball (som saltfiskball, men med fersk eller salta sild heller enn kvit fisk som ingrediens)

Eksterne lenkjer

• «saltfiskball» i Norsk Ordbok.