Årstalsliste for Austevoll

Kommunevåpenet

Årstalslista for Austevoll er under arbeid. Innhaldet gjev ei oversikt over sentrale hendingar, stader, personar, verksemder og anna i kommunen frå dei eldste tider og fram til i dag. Lista er ikkje fullstendig, og ho vil i tida framover bli supplert og vidareført. Årstalslista vil dessutan få ei ny utforming med bilde, kart, statistikk, avisutdrag og anna som kan illustrera innhaldet. Meininga vidare er at det med grunnlag i lista, skal skrivast artiklar som utdjupar det som er nemnt her. Bakgrunnsstoff til artiklane kan ein mellom anna finna i bibliografien til Austevoll. Til saman vil dei leksikale opplysningane og artiklane utgjera eit nettbasert oppslagsverk om kommunen si historie. Årstalslista er plassert på Austevoll kommune si forside.

Forslag til endringar, tillegg, utbygging m.m. er velkomne.

Førhistorisk tid

• Det er gjort 10 000 år gamle ulike lausfunn på fleire av øyane
• Gravhaugar frå steinalder, bronsealder, jernalder og vikingtid registrerte
• Tre svært fint utforma steinøkser frå midten av steinalderen, ca. 4000 f. Kr., funnen på Kalvenes på Selbjørn. Øksene er truleg lagde i myra som offergåve
• 30 plassar med steinalderfunn på Stolmen
• 10 000 år gamle buplassar på Stolmen
• Gravrøys frå bronsealderen på Kongsarfjellet på Selbjørn
• Bygdeborg frå folkevandringstida på Møkster
• Steinsirkel på Blænes på Huftarøy datert til jernalder
• 18 meter lang langrøys frå bronsealder ved Solesvik på Huftarøy
• Rundrøys med ein diameter på 10 meter frå bronsealder ved Solesvik på Huftarøy
• To klebersteinsskåler frå høvesvis eldre og yngre jernalder funnen på Valhammar på Stolmen
• Klebersteinsbrot fleire stader på Lunnøy og Stolmen (Grotkloven)
• Kvinnegrav frå vikingtida (750-1030) på Toranger på Hundvåkøy opna i 1910. Funn av vevskei, sauesaks, sigd, nøkkel, oval bronsespenne, snellehjul, ljåsteinar, vevlodd og reiskapar av kvalbeinrestar
• Tre sigdar frå yngre jernalder funnen i ei myr på Storebø på Haftarøy. Truleg offergåve
• Vikingtidsgarvhaug opna på Hufthammar på Huftarøy i 1958 av arkeolog frå Bergens Museum

Middelalderen

Mellom 1108 og 1111

• Øystein Magnusson, konge 1103-1123 og bror til Sigurd Jorsalfar, bygde varde ved innseglinga til Bjørgvinleia. Dette var truleg på Marsteinen

1100-/1200-talet

• Stavkyrkje på Sandtorv

1220

• Selbjørn og Hundvåkøy nemnde i Den yngre Edda

1240

• 1. påskedag: Kong Håkon Håkonsson til messe i Sandtorv kyrkje

1300-talet

• Storekalsøy nemnd i Hálfs saga, ei fornaldersoge nedskriven tidleg på 1300-talet der hovudpersonen var den berømte norske sjøkongen Hálf frå 700-talet.

1360

• Stavkyrkjene Møkster kyrkje og Sandtorv kyrkje er nemnde i jordeboka Bergens kalvskinn frå ca. 1360

1500-talet

1500-talet

• Altarskåp og Olavsfigur frå Sandtorvskyrkja utstilte på Bergen museum
• Stolmastova, ei årestove, bygd av rundtømmer som er vakse på Stolmen

1519

Tiendepengeskatten innført. Dei fleste navnegardane i Austevoll betalte denne skatten

1563

• Jens Stoelsundt dreiv handel og utrustning av skip i Stolmevågen

1590

• Lauritz Sandtorv var bondelensmann i Våg skipreide

1600-talet

1600-talet

• Røykstove bygd på Hufthamar, i 2014 restaurert bygning på Hufthamartunet

1626

• Kvalvåg var fiskevær med handel og gjestgjeveri

1626

• Kremmarhandel, gjestgiveri og kipparstove i Stolmevågen

1630-åra

• Lunnøy busett

1634

• Kremmarverksemd i Bekkjarvik

1635

• Kyrkja på Sandtorv flytt til Hundvåkøy

1645/1646

• Husmenn på Horgo under gardsbruk på Møkster

1650 (ca.)

• Austre Bakholmen gjestgjevarstad og kremmarhandel
• Krosshamn var gjestgjevarstad

1668

• Kremmarsete og skjenkjestove på Bakkasund (Nautøya)
• Kremmarhandel i Klepsvik

1668

• Kremmarsete på Salthella

1693

• Ingebrigt Svendsen Sandtorv utnemnd til lagrettemann

1700-talet

1703

• Austevollfiskarar innblanda i strid om et nytt fiskeagn

1720

• 29. april: Norsk losvesen oppretta. Losstasjonar på Stolmen, Møkster og Kalve

1723

• Vestre Bakholmen privilegert gjestgjevarstad

1740 (ca.)

• Øl-kippar Jan Nielsen Meyer rett til ølservering i Korshamn

1745 (ca.)

• Kompassrose med ein diameter på 56 cm hogd inn i fjell på Nautøy ved Storekalsøy. Nytta som hjelp i kystnavigasjonen, for losane, for gjestgjevaren på øya og inngjekk under Napoleonskrigane i den optiske telegrafen.

1760

• Krohald og gjestgjeveri i Bakkasund

1765

• Rasmus Johannesen Uglenes/Sandtorv omgangsskulelærar i Austevoll sokn

1769

• Folketalet 1265

1770-åra

• Stolmarane begynte med brugdefangst
• Thor Larsen Backe (f. 1739) fann den gode fiskeplassen, som vart kalla Torsnubb, vest for Storekalsøy. For dette fekk han diplom og sølvkrus frå Kong Kristian 7.

1778

• Sørvik på Stolmen vart skattelagt kastevåg med 5 riksdalar

1791

• Austevoll vart delt i tre skuledistrikt.

1800-1850

1801

• Folketalet 1592

Ufredsåra 1807-1814

• Mange losar og fiskarar frå Austevoll tekne til fange av engelske krigsskip. Fleire sat i fengsel (i prisonen) i England i opp til fem år
• Optisk telegraf eller signalflaggstasjonar, som et ledd i kystforsvaret, oppretta på Stolmen, Litlekalsøy, Møkster, Horgo og Storekalsøy.

1808

• Stor- og vårsilda kom igjen etter å ha vore borte i nærmare 40 år.

1815

• Folketalet 1574

1820-åra

• Store sildeinnsig og mange store landnotsteng i Austevoll

1825

• Folketalet 1770

1835

• Folketalet 2101

1836

• Inndelinga av skuledistrikta vart endra.

1837

• Sund og Austevoll oppretta som kommune. Kommunen hadde fire sokn: Sund (hovudsokn), Fjell, Austevoll og Møkster

1845

• Folketalet 2222

1849

• Koleraåret. Kolerakyrkjegardar fleire stader i Austevoll og Møkster sokn
• Økshamaren fyrstasjon i drift.
• Pirholmen fyrstasjon i drift. Nedlagt og erstatta av fyrlykt i 1900

1850-1900

1858

• Dei første notlaga til Island på prøvefiske etter sild utrusta frå Bergen og Ålesund. A. A. Hille frå Austevoll leia notlaga.

1855

• Folketalet 2493

1865

• Første Stolmen skule i bruk
• Folketalet 2698

1867

• 1. februar: Bakholmen postopneri etablert. Nedlagt 1. juli 1940

1868

• Første rutebåt mellom Bergen og Haugesund. Haugesund Dampskipsselskap sette inn frakt- og passasjerbåten D/S Karmsund i ytre lei.
• Første Trolandshamar skule i bruk

1870

• 4. juni : Stolmen postopneri etablert. Nedlagt 16. november 1998
• 15. oktober: Bekkjarvik postopneri etablert. Nedlagt ?

1874

• Austevollingar deltok første gong i Nordlands-fisket

1875

• Folketalet 2856

1876

• Første Vinnes skule i bruk

1877

• Marstein fyrstasjon i drift

1879-1885

• Den første perioden med drivgarnsfiske på Island. Fleire båtar frå Austevoll deltok

1880

• Smie i Bekkjarvik. Eigar Ivar Haldorsen

1881

• Første Storekalsøy skule i bruk

1882

• 1. oktober: Bakkasund postopneri etablert. Nedlagt ?

1883

• Landhandlar, dampskipsekspeditør og krigsfange Abelone Møkster fødd. Døydde i 1975.

1886

• Austevoll eigen kommune, skild ut frå Sund
• Ole Strømme (1856-1940) første ordførar frå 1886-1901

1887

• Første Storebø skule i bruk
• Første Selbjørn skule i bruk

1888

• Jan Pettersen (1863-1914) kjøpte handelsstaden Kvalvåg
• Austevoll residerande kapellani

1890

• Folketalet 2862
• Loshytta på Kalve stod ferdig

1891

• Austevoll kyrkje på Storebø stod ferdig. Gamlekyrkja på Hundvåkøy seld på auksjon

1892

• Møkster kyrkje på Stolmen stod ferdig
• Storekalsøy kapell vigsla

1894

• Seglkutter frå Møkster deltok truleg som første austevollsbåt på makrelldorgefisket i Nordsjøen
• 1. juli: Storebø postopneri etablert

1895

• Første Eido skule i bruk
• Første Kolbeinsvik skule i Beinskroken i bruk

1896

• Sund og Austevoll sparebank oppretta
• 1. april: Krosshamn postopneri oppretta. Nedlagt 1. oktober 1985
• Første Møkster skule i bruk

1897

• Olaf Halstensen kjøpte handels- og gjestgjevarstaden Bekkjarvik

1898

• 1. oktober: Torangsvåg postopneri etablert. Nedlagt ?
• 1. Oktober: Vinnesvåg postopneri etablert. Nedlagt ?
• Bekkjarvik kapell stod ferdig

1899

• 1. januar: Rabben postopneri oppretta. Nedlagt 1. september 1967

1900-1950

1900

• Folketalet 2970
• Ungdomslaget på Stolmen det første som vart stifta i kommunen

1901

• Skulehus på Gauksheim
• Korsfjorden Felleslosing skipa

1902

• Rostøy brevhus og postopneri oppretta. Frå 1. april 1920 postopneri. Nedlagt ?
• Det første ungdomshuset i kommunen stod ferdig på Stolmen
• Peder Olai Kleppe (1872-1932) ordførar 1902-1919

1903

• Utprøving av snurpenot i sildefisket på Island
• Hevrøy skule i bruk

1907

• Kalvenes brevhus og postopneri oppretta. Frå 1. januar 1947 postopneri. Nedlagt 1. september 1967

1909

• Brørne Hans Halstensen og Andreas Halstensen overtok drifta i Bekkjarvik

1910

• Folketalet 3016
• Austevoll eige prestegjeld
• 1. Januar: Møkster postopneri oppretta. Nedlagt ?
• Litlekalsøy skule i bruk

1911

• Stolmen Fiskeriforening stifta

1912

• Selbjørn Fiskeriforening stifta

1913

• Over tre kilometer veg bygd på pliktarbeid stod ferdig på Stolmen
• 1. september: Austevollshella brevhus og postopneri oppretta. 1. juli 1919 postopneri Nedlagt 1. september 1967
• 28. mai: Lærar, lokalhistorikar og lyrikar Johan Tufteland fødd på Stolmen. Døydde 25. februar 1998
• Første Drivenes skule i bruk
• Sandtorv skule i bruk

1915

• 15. januar 1915: Eido brevhus opna. Nedlagt 1. mai 1964
• 15. januar: Kolbeinshamn brevhus opna. Nedlagt 1. mai 1964
• Første landpostrute opna: Storebø-Austre Storebøvågen-Kolbeinshamn-Haukanes-Eido
• Austevoll eige legedistrikt

1916

• M/S Falken den første dampdrivne snurparen i kommunen
• Arne Kalve kjøpte handelsstaden Bahus på Bakkasund av Jan Pettersen frå Stolmen. Dreiv landhandel, sildesalteri, selde kol og bunkers og utstyr til fiskeflåten.

1918-1919

• Austevoll hardt ramma av Spanskejuka

1919

• Peder Olai Kleppe (1872-1932) første stortingsrepresentant frå Austevoll. Sat i ein periode. Kleppe var ordførar i Austevoll 1902-1919

1920

• Folketalet 3351
• Seglbåten Atalanta frå Austevoll tok gull i segling i 12-meterklassen i olympiaden i Belgia
• Skulekrinsane Bratta, Haukanes, Litlekalsøy, Møkster, Stolmen og Søreide skifte frå bokmål til nynorsk som opplæringsspråk.
• Austevoll merkeprotokoll 1 (1920-1934) og 2 (1934-1940). Registeret vart ført av tilsynsmannen for merkeregisteret, og skulle ha opplysningar om kvar einskilt fiskefartøy, med opplysningar om namn på fartøy, kjennemerke, opplysningar om størrelse på fartøyet, kvar og når det var bygd, om maskiner, endringar, og eigarar. Digital utgåve: http://www.arkivverket.no/digitalarkivet
• 66 % av arbeidstakarane i kommunen var fiskarar

1921

• Nils N. Aarland kjøpte handelsstaden Kvalvåg

1923

• Drøna skule i bruk

1916

• 1. september 1916: Salthella brevhus og postopneri oppretta. Postopneri frå 1. oktober 1919. Nedlagt 1. mai 1969

1920

• Olai Naustheller ordførar 1920-1925

1922

• Første statstilskot til vegar i Austevoll

1924

• Austevoll Mållag skipa

1925

• Haukanes skule i bruk
• 14. august: Nils N. Aarland jr. etablerte C. Aarland landhandelfilial på Årland på Stolmen

1926

• Mikkel Nilsen Birkeland ordførar 1926-1935

1928

• Stolmastova flytt til Sunnhordland museum
• 1. november: Litlekalsøy brevhus og postopneri oppretta. Postopneri frå 1. november 1951. Nedlagt ?

1929

• Vinnes skulekrins vedtok språkskifte frå bokmål til nynorsk

1930

• Folketalet 3559

1931

• 23. november 1931: Hevrøy brevhus opna. Nedlagt 15. oktober 1974
• Bratta skule i bruk

1932

• Fugløy busett
• Skjærgardsruta i drift med M/S Skjærgard. Trafikkerte indre og ytre Austevoll og sørlege delen av Sund. Utgongspunkt i Austevoll, gjekk til Hjellestad, seinare til Bergen. Frå 1952 leigde Hardanger Sunnhordlandske Dampskipsselskap (HSD) båten i den såkalla Stolmaruta.

1933

• Nynorsk i bruk som tenestemål i kommunen

1934

• 1. oktober: Kolbeinsvik brevhus og postopneri oppretta. Postopneri frå 1. juli 1938. Nedlagt ?

1935

• Storebø skulekrins vedtok språkskifte frå bokmål til nynorsk
• Magnus Larsen ordførar 1935-1937

1936

• Drivenes, Gauksheim og Trolandshamar skulekrinsar vedtok språkskifte frå bokmål til nynorsk

1937

• Drøna skulekrins vedtok språkskifte frå bokmål til nynorsk
• Ny skulebygning på Stolmen
• Regjeringsforbod mot å bruka motor i berre ein av notbåtane/dorryane. Forbodet oppheva 1943 etter sterkt press frå notfiskarane.

1938

• Kolbeinsvik skulekrins vedtok språkskifte frå bokmål til nynorsk
• 15. mai: Kalve brevhus opna. Nedlagt 1. april 1967
• Det store sildekastet på Sørvik på Stolmen, 12 000 hektoliter stengd med landnot
• Salomon O. Fagerbakke ordførar 1938-1945

1939

• Hevrøy, Horgo, Selbjørn, Storekalsøy og Sandtorv skulekrinsar vedtok språkskifte frå bokmål til nynorsk

1940-1945

• Olav Drønen (f. 1914) dreiv motstandskamp under heile krigen frå mai 1940.
• Johannes Kalve (1919-20??) med i Shetlandsgjengen frå 1942. Kalve hadde 41 turar med torpedobåten mellom Norge og Shetland. I tillegg fleire turar med fiskebåtar. Høgt dekorert.
• Anders Merkesdal (f. 1917) frå Kolbeinsvik. Merkesdal hadde 59 turar mellom Norge og Storbritannia frå 1942, dei fleste med motortorpedobåt. Var med i Shetlandsgjengen
• Abelone Møgster (1883-1974) arrestert 25. juni 1942 og sendt til Tyskland for motstandsarbeid på Møkster.
• Lars Rostøen (f. 1902) og kona Birgitte Rostøen dreiv motstandsarbeid 1941-1942. Lars arrestert 1942 og sat i Sachenhausen til 1945.
• Torkjell Rostøen (f. 1917) frå Rostøy, befalsutdanning frå England, med i kommandostyrke som dreiv sabotasje mot tyske anlegg i Norge, mellom anna Sagvågraidet
• Øyvind Skåtun frå Storebø oppretta illegal lyttestasjon på Loddo ( i Skåtunshola) saman med bergensaren Per Johannessen
• Trygve Thorsen (f, 1915) frå Storekalsøy med i dei innleiande kampane i aprildagane 1940
• M/K Sjølyst gjekk fleire turar med flyktningar mellom Shetland og Austevoll
• 17. mai 1940: Per Klepsvik frå Storekalsøy rodde ein 15 fots oselvar til Skotland saman med Johannes Baldersheim frå Bømlo. Turen tok fire døgn og sju timar
• 8. juni 1940: Dei første tyskarane kom til Stolmen for å setja i gong bygging av radarar
• 21. august 1941: M/B Kolbjørn til Orknøyane med ni austevollingar om bord
• Januar 1942: Nordlys frå Fitjar til Skotland med austevollingar som leiarar i marinens teneste
• 26. april 1942: M/B Sjø med fire flyktningar frå Austevoll til Storbritannia
• 21. september 1941: M/S Sjølivet frakta 17 personar til Shetland.
• 23. september 1941: M/S Sund I frakta 24 personar til Orknøyane.
• Frå 1942: Motstandsreir på Drøna.
• 1942: Ubåtjagarane/torpedobåtane Hitra, Vigra og Hessa kom frå USA. Jagarane gjorde 109 turar over Nordsjøen utan tap. Mange austevollingar mannskap på båtane. Utførte fleire oppdrag i Austevoll.
• Jula 1943: Kong Haakon 7. fekk juletre frå Hestavika i Austevoll. Frakta til England med torpedobåten Hitra
• 4. juni 1944: M/K Njaal til Shetland. Fleire turar over Nordsjøen
• 7. Mars 1945: M/S Havøy frå Stolmen til Shetland med sju personar om bord
• 11. april 1945: M/S Heimly frå Storekalsøy til Shetland. Sju ettersøkte bergensarar ombord
• 21. april 1941: Engelsk fly skote ned under luftkamp over Austevoll. Vraket og tre døde flygarar funne på Drøna
• Tyske lyttestasjonar på Stolmen. Store anlegg med opp til 600 tyskarar på øya
• Motstansgruppa Eksport- og importgruppe Milorg Bergen og omland heldt til i Tuftevika på Selbjørn. Organisert frå Bergen. Stod for transport av personar til Shetland, våpen og anna krigsmateriell tilbake.

1942

• 2. klasse kystskipperskule på Selbjørn

1944

• Boka På fiske i 70 år utgitt. Nils Djupevåg (1855-1947) fortel til Johan Tufteland. Utgjeven på nytt i 2010 av Selbjørn Fiskerisogelag.
• Den første bilen, en Plymouth, kom til Stolmen

1946

• Folketalet 3948
• Austevoll kraftlag oppretta
• Salomon V. Kalvenes ordførar 1946-1959

1947

• Haugesund Dampskipsselskaps M/S Landanes i rutetrafikk Stavanger-Bergen gjennom ytre lei i Austevoll. I opplag frå 4. mai 1964

1948

• 1. april: Sandvikhamn brevhus opna. Nedlagt 1. oktober 1967
• HSDs rutebåt M/S Bremnes sett inn i gods- og passasjertrafikk Bergen-Rubbestadnes gjennom indre lei i Austevoll
• Dorthea Møgster og Oline Marie Nordbø valde inn i kommunestyret som dei første kvinnelege representantane.

1949

• Aslaug Berntsen opna landhandel på Litlekalsøy

1950-2000

1950-åra

• Kontor på Salthella for innmelding av vårsild
• Sildemottak i Bekkjarvik og Åsakummen på Rabben
• Dei første hesteslåmaskinane i bruk

1950

• Folketalet 3916
• Austevoll fekk distriktslege med bustad på Selbjørn. Emil Moe den første.

1951

• Austevoll Røde Kors stifta

1952

• Fugløy fråflytt

1953

• HDS' M/S Stolmen i passasjer- og godstrafikk Bergen-Haugesund gjennom ytre lei. Siste tur i 1973

1955-1957

• 2. klasse kystskipperskule på Stolmen

1955

• 8. mars: bedehus på Selbjørn

1957-1964

• Industrifiske etter sild ved Island

1958

• Vikingtidsgrav opna på Hufthamar av Historisk Museum i Bergen
• Gravplass vigsla på Litlekalsøy

1958-1962

• De fleste småbruka lagt ned

1960

• Folketalet 4071
• Rikard Storebø V ordførar 1960-1969
• Stolmen idrettslag stifta
• J. Tøkje Landhandel oppretta

1961

• Brødrene Birkeland Fiskebåtrederi skipa
• Nytt bedehus på Stolmen

1962

• Jordmor Oline Marie Nordbø tildelt Kongens fortenestmedalje
• Snurparen Staaløy fekk sølvsilda som beste storsildfiskar
• Rabben mekaniske verkstad etablert

1963

• M/S Drivenes første snurpar i Austevoll utstyrt med kraftblokk og ringnot

1964

• 1. januar: Søre Selbjørn (Gnr. 66-70) og Søre Huftarøy (Gnr. 59-65) under Austevoll. Tilhøyrde tidlegare Fitjar
• HDSs M/S Tonjer i passasjer- og rutetrafikk mellom Haugesund og Bergen gjennom Austevoll ytre lei. Reservebåt frå 1968
• Ringnotfiske etter sild og makrell begynte i Nordsjøen

1965

• Notbøteri på Bakkasund
• Austevoll notverkstad i drift i Bekkjarvik

1966

• 1. juni: Bilførande rute Hjellestad-Rubbestadneset gjennom indre Austevoll
• Fiskebåtreiar Lars Olai Møgster tildelt St. Olavs orden for samfunnsnyttig virke innan fiskeri

1967

• Første HSD-bussrutene oppretta på Huftarøy
• Huftar idrettslag stifta. Skifte namn til Austevoll idrettsklubb 11. juni 1992
• Austevoll flest ringnotsnurparar i landet. 10 % av den norske ringnotflåten, 39 til saman

1968-1972

• Kombinasjonen småbruk-fiske med nokre få unntak borte

1968

• Ferjesambandet omgjort til ferjerute frå Halhjem
• 31. mai 1968: HSDs Eidfjord i gods- og passasjertrafikk i Austevoll og Fitjar. Ut av drift i 1973

1969

• Svein Arne Hevrøy oppretta Huftarøy Auto

1970

• Folketalet 3860
• Peder Kalve H ordførar 1970-1975

1971

• Første politiske liste ved kommunevalet: Senterpartiet med valliste
• Eidsbøen ungdomsskule i bruk

1972

• Ferjesambandet Bekkjarvik-Sandvikvåg oppretta
• 2. mai: Ready maskinstasjon A/S oppretta
• 15. juni: Electro Automation Austevoll etablert

1973

• Første snøggbåtrute, passasjer- og godsførande westamaran mellom Haugesund og Bergen i Ytre Austevoll, driven av HDS
• Om sommaren sette HSD inn snøggbåten Tedno i indre lei
• Austevoll Notverkstad bygd på Salthella

1974

• Skulen og kyrkja på Storekalsøy brann ned

1975

• Njål Møgsters fabrikksnurpar Møksterfjord den første av dette slaget i landet
• A/S Austevoll Fiskeindustri i drift
• A/S Austevoll ferjeselskap oppretta
• Ferjerutene Kvaløy-Barmen og Stolmen-Salthella oppretta
• Fastlandssmbandet sin nye ferjestopp på Krokeide
• Ringnotsnurparen Wimi frå Stolmen redda 108 passasjerar frå den havarerte snøggbåten Sleipner nord for Haugesund. Mannskapet på Wimi tildelt Carnegies heltemedalje

1976

• Austevoll havbruksstasjon etablert
• Restaureringsarbeidet på Hufthamartunet tok til
• Desember: Det nye Storekalsøy kapell vigsla
• Magnus Stangeland Sp ordførar 1976-1981

1977

• Austevoll utbyggingsselskap stifta
• Storebø Notbøteri A/S etablert

1978

• Fiskarfagskulen i Austevoll stod ferdig
• Havforskningsinstituttet i Bergen etablerte Akvakulturstasjonen i Austevoll
• Første oppdrettsanlegg for laks i drift
• Austevoll forlag A/S oppretta
• Lokalavisa Marsteinen etablert
• Dalseide Shipping Service grunnlagt
• HSD sette inn nye Bremnes i godsrute i indre og ytre Austevoll mellom Bergen og Sunnhordland
• Første bind av Austevoll-soga kom ut: Tufteland, Johan (red.): Austevoll gard og ætt I. Møkster sokn. Utgjevar: Austevoll herad.

1979

• Hundvåkøy samfunnshus stod ferdig
• Austevoll regnskapsservice oppretta
• Anlegg for foredling av muslingar etablert
• 15. nov. 1979: Huftarøy husflidslag stifta

1980-åra

• Industritråling etter kolmule begynte

1980

• Folketalet 3929
• 11. februar: Selbjørnbrua opna
• 1. mai: Westamaranen Haugesund omdøypt til Tjelden og samordna snøggbåtruta i Austevoll og Sunnhordland
• Nynorsk liturgi innført i kyrkja
• Sjøtroll AS oppretta

1981

• Austevoll utbyggingsselskap kontraherte dei to første supply-skipa saman med Austevoll Supply A/S (seinare DOF)

1982

• Knut K. Kalvenes H ordførar 1982-1985

1983

• Hordafor etablert

1984

• District Offshore (DOF) etablert
• North Sea Shipping AS oppretta
• Andre bind avAustevoll-soga kom ut: Tufteland, Johan (red.): Austevoll gard og ætt II. Austevoll sokn. Utgjevar: Austevoll herad.
• 10 000 år gamle steinalderfunn gjort på Stolmen
• Oljekatastrofe i Nordsjøen kledde strendene i Austevoll med råolje. Oppreinskingsaksjon.
• Kommunevåpenet i Austevoll godkjent: fire sølvsild på skrå oppover mot venstre mot ein blå bakgrunn.
• Blænes Bygg A/S oppretta. I 2014 Byggeriet.

1985

• Magnus Stangeland storingsrepresentant for Sp fram til 1997
• A/S Scallop oppretta for å driva skjelltråling

1986

• Tredje bind av Austevoll kultursoge kom ut: Tufteland, Johan, Jørgen Solbakken, Salomon Fagerbakke: Austevollsoga. Kultursoge I. Utgjevar: Austevoll herad.
• Hallvard Møgster Krf ordførar 1986-1989

1987

• Ferjesambandet til Sandvikvåg overført frå Bekkjarvik til Husavik
• Ferjerute mellom Austevoll og Sotra
• Selbjørn fiskerisogelag stifta

1988

• 16. desember: Austevoll fiskarlag stifta. Var ei samanslåing av fiskarlaga på Hundvåkøy, Huftarøy og Selbjørn. Seinare kom fiskarlaga på Stolmen (1990), Litlekalsøy (1994) og Storekalsøy (2000) med

1989

• 15. januar 1989: Møkster gravkapell vigsla av dåverande biskop i Bjørgvin Per Lønning

1990

• Folketalet 4167
• Inge Bjarne Storebø H ordførar 1990-2001

1991

• Fjerde bind av Austevoll-soga kom ut: Tufteland, Johan (red.): Austevoll. Ættesoge III. Tidlegare Bekkjarvik kapellsokn. Utgjevar: Austevoll herad.

1992

• Austevoll kyst- og sogelag skipa

1993

• Siste brislingbruk avvikla

1994

• Brødrene Birkelands Vima deltok som første austevollsbåt på kolmuletråling

1995

• Fiskerisogekalender frå Austevoll utgitt første gong
• Plan Consult A/S oppretta
• 1995: Skulesjef Olav K. Drivenes fekk Kongens fortenestmedalje i sølv

1996

• Opplæringskontoret i Austevoll etablert

1998

• 14. november: Stolmabrua opna

1999

• 16. oktober: Bakkasundbrua opna

Etter 2000

2001

• Folketalet 4450
• Olav P. Årland Krf ordførar 2001-2003
• Stolmen skule nedlagt

2003

• Helge Andre Njåstad Frp ordførar 2003-2013

2006

• Sandtorv maskinservice oppretta

2007

• 1. november: Bruprosjektet Huftarøy-Hundvåkøy opna

2008

• Vestland Management AS oppretta

2009

• Haveland Båtservice oppretta. Frå 2012 Austevoll Båtsenter
• Vinnes skule nedlagt

2010

• Dronning Sonja avdukar bautaen Sildajento i Bekkjarvik

2011

• Folketalet 4680
• Austevoll på fjerdeplass på næringslivstoppen i landet, rangert av NHO

2013

• Ordførar Helge Andre Njåstad stortingsrepresentant for Frp
• Renate Møgster Klepsvik Frp ordførar
• Austevoll Mållag gjenoppretta

2014

• Austevoll historielag stifta

Kjelder og litteratur

• Dyngvold, Finn: Krigen og Austevoll. Stord 1980
• Dyngvold,Finn: «Posten skal fram. Spreidde glimt frå vår postsoge.» I Marsteinen 25. september 1986
• Eide, Arne: Austevoll kyrkje gjennom tidene. Festskrift til hundreårsdagen 1891-1991. Storebø 1991. 54 s. ill
• Eide, Arne: Bekkjarvik kyrkje gjennom tidene. Festskrift til hundreårsdagen 1898-1998. Storebø 1998. 79 s. ill
• Eide, Arne: Møkster kyrkje gjennom tidene. Festskrift til hundreårsdagen 1892-1992. Storebø 1992. Storebø 1992. 83. s. ill
• Ellingsve, Eli J.: Finn et fyr, Tapir Akademisk forlag, 2009
• Ertresvaag, Egil: Strilesoga. Nord- og Midthordland gjennom tidene. Frå 1914 til i dag. Bind 5. Bergen 2001.
• Fiskerisogekalender for Austevoll. Utg. av Selbjørn fiskerisogelag. 1995-2014
• Folketeljingane frå 1769 til 2011
• Gloppen, Helge: «Austevollingen var først med not». I Marsteinen 23. desember 1999.
• Halstensen, Inge: «Norsk sildefiske på havet 1885-2005.» (Skriven som ei orientering om ei utstilling av fiskbåtmodellar på Fiskerimessa i Trondheim i 2006.) Trykt i Fiskerisogekalender for Austevoll – 2007.
• Halstensen, Inge m. fl.: Bekkjarvik – et kremmerleie gjennom 350 år. K. Halstensen A/S 1897-1997. Bekkjarvik 1997. 190 s. ill
• Halstensen, Inge m. fl. (red.): Austevoll. Bergen 1977. Upaginet. Ill
• Haugland, Karl Johan: Hal’an kara. Brødrene Birkeland fiskebåtrederi. Storebø 2008. 209 s. ill.
• Haugland, Karl Johan: Hufthamartunet. Upaginert hefte
• Helland, Amund: Topografisk-historisk-statistisk beskrivelse over Søndre Bergenhus amt. Norges land og folk, bind 12. Kristiania 1896. (Om Austevoll s. 416-433)
• Hovland, Kari Shetelig: «Makrelldorgefisket 1884-1914». I Sjøfartshistorisk årbok 1985. Bergen 1986
• Hovland, Kari Shetelig: Norske islandsfiskere på havet. Bergen-Oslo-Stavanger-Tromsø 1985
• Hovland, Kari Shetelig: Norske seilskuter på islandsfiske. Bergen - Oslo - Trømsø 1980
• Høibo, Roy Annar: Jordbruk og fiske i Austevoll 1890-1920. Bergen 1977. Magisteravhandling i etnologi.
• Høibo, Roy: «Jordbruk og fiske i Austevoll 1890-1920.» I Dugnad. Tidsskrift for etnologi, nr. 2 1977, s. 17-31.
• Johansen, Karl-Egil: Men der leikade fisk nedi kavet. Fiskarsoga for Hordaland 1920-1990. Eide. Bergen 1989.
• Kalve, Hallvard: «Losvesenet.» I Austevollsoga. Kultursoge I 1986, s. 426-450
• Kalve, Peder: «Samferdselssektoren i gamal og nyare tid.» I Marsteinen 25. september 1986
• Lokalavisa Marsteinen
• Magnussen, Kristin m. fl. (red): Fiskarfagskulen i Austevoll 25 år. Utg. av Fiskarfagskulen i Austevoll 2003, 35 s. ill
• Magnussen, Kristin (red.): Austevoll. Utg. av Austevoll Næringsråd 2007. 40 s. ill.
• Norsk Fiskeritidende. (http://catalog.hathitrust.org/Record/010308092) Utgjeve av Selskabet for de norske Fiskeriers Fremme i tidsrommet 1882-1930
• Stangeland, Magnus: «Det norske sildefiske ved Island.» I Fiskerisogekalender for Austevoll – 1996.
• Stangeland, Oddvar: Litt om Sørvik og slekta Stangeland. Austevoll 2001. 215 s. ill
• Stangeland, Oddvar og Truls Grung: The Happy Ship. DOF gjennom 25 år. 1981 – 2006. Bergen 2006. 206 s.
• Stautland, Brynjar: Frå klondyke til katastrofe. Vestlandsk sildefiske på Island. Oslo 2002
• Sydnes, Kristoffer: «Sunnhordlandstunet» (Om Stolmastova s. 4-5). I Sunnhordland Folkemuseum og Sogelag. Ei utgreiding med vegvisar. Særprent av tidsskriftet Sunnhordland 1951.
• Tufteland, Johan (red.): Møkster sokn. Gard og ætt I. Austevoll 1978. 722 s.
• Tufteland, Johan (red.): Austevoll sokn. Gard og ætt II. Austevoll 1981. 752 s.
• Tufteland, Johan (red.): Austevoll. Gard og ætt III. Tidlegare Bekkjarvik kapellsokn. Austevoll 1991. 471 s.
• Tufteland, Johan, Jørgen Solbakken, Salomon Fagerbakke: Austevollsoga. Kultursoge I. Austevoll 1986. 484 s.
• Tufteland, Johan, Leif Lind Pettersen og Carmen Gehrke Pettersen: Kvalvaag: Man and ocean. Stolmen 1975. Eigen utg. 165 s. Ill. Kart. Norsk utgåve ved Johan Tufteland: Kvalvåg. Et eldgammelt kremmerleie. 132 s.
• Utne, Erling: «Stolmen skule – ei historie». Artikkel skriven for nettstaden Lokalhistorie i Austevoll
• Våge, Nils Steinar: «Frå sild til Supply. Næringsutvikling i Austevoll kommune frå omkring 1950 til 2012». I Lokalhistorisk magasin nr. 1, 2012. Sjå óg http://www.lokalhistorie.no/lm/LM112.pdf
• Våge, Nils Steinar: «Eit brotstykke av Stolmavegen si historie.» I Frå ferje til bru. Stolmen 1998
• Våge, Nils Steinar: «Til havs med robåt og snøre». I Fiskerisogekalender for Austevoll - 2013
• Wikander, Johan Anton: «Kompassrosen på Nautøy i Bakkasund». I Sjøfartshistorisk årbok 1997.