Lars Rasmusson Faaberg

Lars Rasmusson Faaberg (fødd 27. februar 1803, død 26. mai 1883) kom frå garden Nedre Fåberg i Jostedalen. Han var son av gardbrukar Rasmus Larsson Fåberg og soneson til lensmann Lars Tøgerson Snøtun.

Lars R. Faaberg tok over garden i 1827 og var gardbrukar her til han overlet garden til sonen Rasmus Larsson Faaberg i 1866.

Han var den fyrste med gardbrukarbakgrunn som vart ordførar i Jostedalen (1840-1841). Han fekk då hovudansvaret for oppføringa av ny hovudbygning i prestegarden. I 1850 vart han lensmann og hadde embetet heilt til 1881. Både sonen Rasmus (1870-74) og sonesonen Lars vart seinare ordførarar i Jostedalen.

Lars gifte seg 1. juli 1841 med Anna Andersdotter frå Leteigen. Dei fekk fem born:

• Rasmus Larsson (1842-1842)
• Rasmus Larsson Faaberg (1843-1922), som tok over heimebruket og var far til Lars Rasmusson Faaberg (1866-1957)
• Anders Larsson (fødd 1846, død før 1918), utvandra til Amerika
• Martha Larsdotter (1848-1899), gardbrukarkone på Myklemyr
• Bentha Larsdotter (1855-1922), gardbrukarkone i Kreken og seinare husmannskone på Espestølen

Litteratur

• Laberg, Jon. (1948). Jostedal. Ei stutt utgreiding om bygdi og folket der. Tidsskrift utgjeve av Historielaget for Sogn (nr. 13), 177-200 (Digital utgåve, Jostedal historielag)
• Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 694. (Digital utgåve, NBdigital)

Forgjengar:  Kjeld Andreas Bugge

Ordførarar i Jostedal kommune (1840–1841)

Etterfølgjar:  Michael Sundt Tuchsen Fasting

Forgjengar:  Ola Hansson Urdal

Lensmenn i Jostedalen (1850–1881)

Etterfølgjar:  Hermund Tvedt