Lurøy prestegjeld

Lurøy prestegjeld var eit prestegjeld i Den norske kyrkje.

Det er mange kyrkjer og bedehus i Lurøy. Her Lovund kyrkje frå 1960.

Foto: Helge Asperheim (2024).

Lurøy var i 1589 eit sokn i Rødøy prestegjeld med kyrkje på Lurøy og kapell (korshus) på Husøy i Træna.

I 1767 vart Lurøy og Træna utskild frå Rødøy, men slått saman igjen i 1774. Lurøy vart då eit residerande kapellani i Rødøy prestegjeld.

Lurøy med Træna vart igjen et eige prestegjeld i 1822. Gården Indre Onøya vart då utlagt til Lurøy prestegard.

I 1833 vart Selvær overført frå Rødøy til Træna sokn, i 1877 vart det oppretta ein hjelpekyrkjegard for Træna på Rødskjærholmen.

Då prestegjelda vart avskaffa i 2004 utgjorde Lurøy prestegjeld samme område som Lurøy kommune og Træna kommune. Det var tre sokn, Lurøy sokn. Aldersund sokn og Træna sokn.

Kjelder

• Prestegjeld og sokn i Nordland på Digitalarkivet.

Artikkelen Lurøy prestegjeld er oppretta gjennom delprosjektet Prestefolk i Nordland Brukarar på lokalhistorisk wiki kan fritt endre eller legge til innhald i artikkelen. Det vil ofte vere meir relevant informasjon i oppgitte kjelder enn det som først vart lagt til, og det kan t.d. finnast stoff i bygdebøker og liknande.